Lindja e Mesme vazhdon të jetë një vatër e nxehtë konfliktesh, pas tensioneve të përshkallëzuara ndërmjet SHBA-së dhe Iranit. Mësohet se forcat e koalicionit anti-DEASH, të kryesuara nga SHBA kanë kryer sulm ajror ndaj njësive të Hezbollahut.
Sulmi është bërë në rajonin në rajonin Deirizor të Sirisë, raporton Anadolu Agency (AA). Kujtojmë që ky grup terrorist është në listën e organizatave të mbështetura nga Irani.
Avionët e koalicionit kanë lëshuar bombat e tyre ndaj një korpusi të komanduara nga Korpusi i Gardës Revolucionare të Iranit. Gjatë sulmit u shkatërruan katër tanke të Hezbollahut në rrethin Ebulkemal. Gjithashtu janë eliminuar dhe disa luftëtarë të armatosur.
Tensionet midis palëve në Siri janë rritur pas vrasjes së gjeneralit iranian Qasem Soleimani nga një sulm amerikan në Bagdad.
