Para se të takohet me Presidentin Biden, kancelarja e Gjermanisë Angela Merkel u prit në mëngjes nga Kamala Harris.
ZV/Presidentja Kamala Harris mirëpriti Kancelaren gjermane Angela Merkel për mëngjes në Observatorin Detar për të diskutuar angazhimin e kombeve të tyre mbi demokracinë.
Takimi shënoi herën e parë që Harris priti një udhëheqës/e të huaj në rezidencën e ZV/Presidentes që nga marrja e detyrës. Kur arriti Merkel, Harris vuri në dukje se ishte hera e parë që kancelarja ishte në rezidencën zyrtare të ZV/presidentit/es së SHBA.
“Ne jemi të kënaqur që ju mirëpresim, zonja Kancelare, dhe unë e di që ne jemi administrata e katërt (e SHBA-së) me të cilën keni punuar gjatë karrierës suaj të jashtëzakonshme. Unë dua të të falënderoj për vitet e tua të udhëheqjes,” tha Harris, duke përshëndetur Merkelin.
“Jam shumë e nderuar që të shoh dhe pres të flas me ty, dhe është e qartë se marrëdhënia midis dy vendeve tona është e bazuar në shumë vlera të përbashkëta, duke përfshirë angazhimin për demokracinë në të gjithë botën. Pra, mirë se erdhe, mirë se erdhe,”shtoi ZV/presidentja Harris.
Merkel i tha Harrisit se ishte e kënaqur që po vizitonte Zv/presidenten e parë femër.
“Unë vetëm mund të them se edhe unë jam e kënaqur për këtë mundësi këtu për t’u takuar me zonjën e parë Zëvendës President/e të Shteteve të Bashkuara të Amerikës dhe mendoj se ne mund të punojmë së bashku shumë mirë për të forcuar vlerat dhe për të vazhduar të ndërtojmë mbi to,” tha Merkel, përmes një përkthyesi.
