Shtetet e Bashkuara kanë kryer ekzekutimin e parë të një gruaje të dënuar me vdekje në 67 vjet. Lisa Montgomery, 52 vjeç, u ekzekutua përmes një injeksioni vdekjeprurës në shtetin e Indianas, më 13 janar.
Montgomery, u dënua në vitin 2007 në shtetin e Misurit për rrëmbimin dhe mbytjen e një gruaje tjetër që ishte tetë muaj shtatzënë në atë kohë. Ekipi ligjor i Montgomery ka thënë se ajo vuan nga sëmundje mendore, shkruan The Guardian.
“Dëshira për gjak e një administrate të dështuar ishte në shfaqje të plotë sonte. Të gjithë ata që morën pjesë në ekzekutimin e Lisa Montgomery duhet të ndiejnë turp. Qeveria nuk ndaloi asgjë në zellin e saj për të vrarë këtë grua të dëmtuar. Ekzekutimi i Lisa Montgomery ishte larg drejtësisë’’– tha avokatja e Montgomery, Kelley Henry.
Një gjykatës federal për Distriktin e Kolumbisë ndaloi ekzekutimet e planifikuara më vonë këtë javë të Corey Johnson dhe Dustin Higgs në një vendim të Martën. Johnson, i dënuar për vrasjen e shtatë personave të lidhur me trafikimin e drogës në Virxhinia, dhe Higgs, i dënuar për porositjen e vrasjeve të tre grave në Maryland, të dy rezultuan pozitivë për Covid-19 muajin e kaluar.
Ekzekutimi shënoi herën e parë që qeveria amerikane zbatoi dënimin me vdekje për një të burgosur femër që nga viti 1953. Ekzekutimet federale në Shtetet e Bashkuara ishin ndaluar për 17 vjet përpara se presidenti në largim, Donald Trump, vitin e kaluar të urdhërojë rifillimin e tyre.
