Një nga figurat më të rëndësishme të ushtrisë Iraniane, Qasem Soleimani është “eliminuar” nga SHBA-ja gjatë një sulmi ajror në Irak. Pentagoni konfirmoi se është vrarë “me urdhër të Presidentit”, duke iu referuar Donald Trump.
Nga ana tjetër, udhëheqësi suprem i Iranit, Ajatollahu Ali Khamenei premtoi hakmarrje. Për vdekjen e gjeneralit shteti iranian do të mbajë tri ditë zi kombëtare. Në Iran ai shihet se një hero kombëtar.
Sakaq, SHBA-ja i ka quajtur komandantë dhe terroristë, trupat e Forcës Quds dhe i bën ata përgjegjës për vdekjen e qindra amerikanëve. Gjenerali u vra gjatë sulmeve ajrore të ushtrisë amerikane në aeroportin e Bagdadit.
