Pohimi i Prishtinës se përfshirja e mundshme e SHBA në dialogun me Beogradin është një propozim që vjen nga administrata zyrtare e SHBA-së është “e pasaktë”.
Një informacion të tillë e ka bërë të ditur Ministri i Jashtëm serb Ivica Daçiç, i cili ndodhet në Uashington. Ai këtë e ka thënë tha për Zërin e Amerikës, shkruan B92.
“Gjërat që Thaçi dhe Haradinaj po thonë janë mohuar nga administrata amerikane. Ata madje i thanë (shefes së politikës së jashtme të BE) Federica Mogherini se ata nuk qëndronin pas deklaratave të (Prishtinës)”, tha Daçiç.
Ai shtoi se zyrtarët e SH.B.A-së thanë se kjo duhet të jetë një çështje konsensusi dhe një çështje e një propozimi të përbashkët.
“Asambleja e Përgjithshme e OKB-së e transferoi dialogun Beograd-Prishtinë në nivelin evropian dhe çdo ndryshim i ri i formatit do të nënkuptonte një diskutim të ri mbi të dhe Serbia do të duhej të propozonte disa anëtarë të tjerë jashtë BE”, tha Daçiç.
I pyetur për serbinë ai është shprehur se nga ana e amerikanëve :”Dikush që do të jetë në anën tonë”.
Daçiç shtoi se gjatë bisedimeve të tij me zyrtarët e SH.B.A.-së, ai këmbënguli për gjetjen e “një interesi minimal të përbashkët” në vend të “krijimit të një imazhi të SHBA dhe vendeve të tjera perëndimore me interesa që janë në kundërshtim me Serbinë”.
“Gjithashtu, roli i vendeve të tjera perëndimore nuk do të ishte të ushtronte presion ndaj Serbisë për të njohur Kosovën, por për të arritur një zgjidhje të pranueshme nga të dy palët që do të respektonin interesat e serbëve dhe shqiptarëve në Kosovë”, përfundoi Daçiç.TIRANA TODAY
