Ministria e Mbrojtjes së Estonisë ka njoftuar se SHBA-të do të dërgojnë ndihma ushtarake me vlerë 175 milionë dollarë në vendet baltike (Estoni, Letoni dhe Lituani) për vitin 2020.
Në deklaratë thuhet se 125 milion dollarë do të akordohen për ndihmë të përgjithshme ushtarake. Ndërsa 50 milionë dollarë me qëllim ngritjen e aftësitë kundërajrore të tre ish-republikave sovjetike.
“Qëllimi i Shteteve të Bashkuara është forcimi i pozicioneve të frenimit dhe mbrojtjes në shtetet e Baltikut në hapësirën ajrore, dhe veçanërisht në mbrojtjen ajrore”, thuhet në deklaratë.
Të tre shtetet baltike, të cilat u bashkuan me NATO-n në vitin 2004 janë aleatë besnikë të SHBA-ve, theksoi AP.
