Presidenti i SHBA-së Joe Biden u zotua të mos e lejonte kurrë Iranin të zhvillonte armë bërthamore, në komentet përpara një takimi me Presidentin izraelit në largim Reuven Rivlin, të hënën.
“Çfarë t’ju them: Irani nuk do të ketë kurrë një armë bërthamore në kohën time,” tha Biden para takimit në Shtëpinë e Bardhë.
Rivlin pritet të largohet nga detyra në 9 korrik.
Negociata janë duke u zhvilluar në përpjekje për të shpëtuar marrëveshjen bërthamore të 2015-ës me Iranin.
Pasi Shtetet e Bashkuara u tërhoqën në mënyrë të njëanshme nga marrëveshja bërthamore ndërkombëtare në 2018-ën, Teherani u ka kthyer shpinën termave të marrëveshjes së vendosur në programin e saj bërthamor.
Republika Islamike pastaj zgjeroi gradualisht aktivitetet e saj bërthamore në kundërshtim me marrëveshjet dhe kufizoi inspektimet ndërkombëtare bërthamore.
Diplomatët nga Gjermania, Franca, Britania e Madhe, Rusia dhe Kina janë përpjekur të ndërmjetësojnë midis Shteteve të Bashkuara dhe Iranit në bisedimet në Vjenë që nga prilli, me synim shpëtimin e marrëveshjes bërthamore.
Ish Presidenti i SHBA-së, Donald Trump, i cili ka zgjedhur të tërhiqet nga marrëveshja dhe ish-Kryeministri izraelit Benjamin Netanyahu, i cili ka kritikuar vazhdimisht marrëveshjen, të dy janë zëvendësuar dhe si SHBA dhe Izraeli po rregullojnë marrëdhëniet e tyre.
Ministri i ri i jashtëm i Izraelit Yair Lapid tha më parë këtë javë se të dy vendet do të korrigjojnë gabimet e bëra në vitet e fundit, por theksoi se ai kishte shqetësime “serioze” në lidhje me negociatat për kthimin e SHBA në marrëveshjen bërthamore.
