Qendra për Kontrollin e Sëmundjeve në SHBA dhe kompania Pfizer po hetojnë në lidhje me vdekjen e një mjeku në Florida, i cili ndërroi jetë disa ditë pasi kishte marrë vaksinën anti-Covid.
Dr. Gregory Michael, 56 vjeç, ndërroi jetë dy javë pasi kishte marrë vaksinën e kompanisë Pfizer, ndërsa bashkëshortja e tij, është shprehur për mediat vendase se, ishte shumë mirë me shëndet.
Pfizer në një deklaratë që ka bërë për mediat tha se ‘po heton në mënyrë aktive’ vdekjen, por nuk beson se ai ka ndërruar jetë për shkak se të efektit të vaksinës. “Nuk ka pasur sinjale të sigurisë të identifikuara në provat tona klinike [ose] përvoja të tilla deri më tani,” tha Pfizer.
Prodhuesi i ilaçeve tha se ishte një rast ‘tepër i pazakontë’ dhe i rëndë i një gjendje të quajtur trombocitopeni që mund të parandalojë mpiksjen e gjakut dhe të shkaktojë gjakderdhje të brendshme.
