Shtetet e Bashkuara kanë akuzuar dy hakerë kinezë se kanë shënjestruar kompani të ndryshme, në gjithë botën, të cilat po hulumtonin zbulimin e një vaksine kundër COVID-19.
Aktakuza, e njoftuar nga Departamenti i Drejtësisë më 21 korrik, gjithashtu akuzon hakerat se kishin në shënjestër organizata joqeveritare, disidentë dhe aktivistë të të drejtave të njeriut në Shtetet e Bashkuara dhe Kinë, shkruan “Rel”.
Zëvendës Drejtori i Byrosë Federale të Hetimeve (FBI), David L. Bowdich, tha në një konferencë për media në Uashington se, aktakuza i vë në dijeni udhëheqësit kinezë se hakimi i pronës intelektuale, që ndodh me mbështetjen e shtetit, do të ketë “pasoja serioze dhe rreziqe”.
