Agjentët doganorë në SHBA kanë bllokuar një çantë nga Kina me një përmbajtje të çuditshme. Sipas CNN, Forcat Doganore në bashkëpunim me ato kufitare, i kanë sekuestruar një pasagjeri në aeroportin e Virxhinias në SHBA një çantë me zogj të ngordhur. Mësohet se pasagjeri sapo kishte mbërritur nga Kina.
Sakaq, personi i ndaluar u justifikua duke thënë se se zogjtë e ngordhur ishin ushqim për macen. Në ambalazhin e paketimit ishte një foto maceje dhe e një qeni. Nisur nga gjendja e emergjencës në SHBA, autoritetet i tremben se kafshët apo njerëzit që vijnë nga Kina mund të jenë bartës të koronavirusit.
Dyshimet e tyre për rastin në fjalë është që ka një rrezik potencial që zogjtë e ngordhur mund të jenë të infektuar me gripin e shpendëve.
“Këta zogj të ngordhur janë ndaluar nga importi në Shtetet e Bashkuara pasi zogjtë e papërpunuar paraqesin një kërcënim potencialisht të rëndësishëm sëmundjesh për industritë e shpendëve të kombit tonë dhe në mënyrë më alarmante për qytetarët tanë si vektorë të mundshëm të gripit të shpendëve”, u shpreh Casey Drust, drejtor i operacioneve në terren.
