Në momentin e zëvendësimit gjatë ndeshjes së fundit kundër Crystal Palace të mbyllur në barazim 2-2, tifozët e Arsenalit kanë brohoritur nga tribunat.
Ky gjest ka acaruar mesfushorin me origjinë shqiptare Granit Xhakën i cili i ka nxitur tifozët që të ngrinin më shumë zërin. Kamerat kanë filmuar edhe momentin kur Xhaka shan tifozët e Arsenalit. Këto të fundit ndërkohë nuk e kanë lënë me kaq!
Ata kanë nisur një “fushatë” dhe kërkojnë me ngulm që Xhakës t’i hiqet shiriti i kapitenit. E gjitha kjo është bërë mediatike dhe aktualisht sjellja e futbollistit me origjinë shqiptare po komentohet gjerësisht.
Duket se Xhaka është “në hall të madh”, ndërkohë mbetet për t’u parë se si do përfundojë gjithçka…
