Komentatori e njëkohësisht gazetari i njohur i sportit, Dritan Shakohoxha, teksa ka qenë i ftuar mbrëmjen e së shtunës në emisionin “Mos i fol Shoferit”, ka folur për largimin nga Digitalb të dy moderatoreve të njohura të sportit, Bora Zemani dhe Ilda Bejleri.
“Një person të ikë nga puna; të gjithë thonë Shako, Shako! Nuk është e vërtetë, si fillim jam më i gjati për fat të keq, jam dhe më i madhi në moshë. Jam drejtor, nuk kam se çfarë të bëj, jam drejtor i Supersportit”, tha ai.
Referuar largimit të Zemanit dhe Bejlerit, ai deklaroi publikisht se nuk i ka hequr nga puna.
“Nuk është e vërtetë, unë nuk di të heq njeri nga puna. Unë jam gazetar sportiv, dhe them trajner s’do bëhem dot kurrë, se do e kisha bërë skuadrën me njëzet lojtar. Nuk di me thënë do rri njeri në stol. Gjithsesi njerëzit s’kanë pse të rrijnë në të njëjtin vend pune. Asnjë s’bën deklarata të tilla, janë abuzime portalesh”, është shprehur Shakohoxha.
