Valon Berhami në përballjen e Zvicrës me Brazilin mori përsipër që të neutralizonte Neymarin dhe ja doli mjaft mirë. Por pas ndeshjes tifozët brazilianë kanë shpërthyer ndaj mesfushorit me kombësi shqiptare dhe e kanë kërcënuar. Ndaj Neymar nga ana e Berhamit me shokë u shkaktuan 10 faulle si kurrë më parë në një Botëror.
Sipas asaj që raporton media zvicerane Uatson.ch, Behrami është vërshuar nga komentet në profilin e tij të “Instagramit” nga tifozët brazilian, disa prej të cilëve e kanë kërcënuar edhe me vdekje.
“Nëse do të vish në pushime në Brazil, do të të mbysim”, shkruante një brazilian në drejtim të Behramit. Ndërkaq, një tjetër kërcënues shkruante: “Ti je në listën e zezë të Brazilit”. Por, kishte edhe nga ata që i thoshin Behramit se “nëse ke pasur punë me Neymarin, atëherë do kesh punë me tërë Brazilin”.
