Një tjetër tërmet është ndjerë disa minuta më parë në vend.
Siç raportohet nga EMSC, lëkundja ka qenë e magnitudës 3.5 të shkallës Rihter. Tërmeti ishte me thellësi 10 km dhe epiqendra e tij ishte 8 km larg qytetit të Lushnjës.
Ky tërmet vjen vetëm pak orë pas tërmetit që shkundi vendin gjatë orëve të para pas mesnate, i cili e kishte epiqendrën në veriperëndim të qytetit të Cërrikut.
Sipas njoftimit zyrtar nga Ministria e Brendshme, tërmeti me magnitudë 4.5 të shkallës rihter, ishte me thellësi 20 kilometra.
