Vijon sekuestrimi i lëndëve narkotike në Vlorë. Së fundmi, policia ka finalizuar me sukses operacionin “Java”, duke sekuestruar 300 kg lëndë narkotik, e dyshuar Cannabis Sattiva.
Operacioni antidrogë u zhvillua nga Policia e Vlorës e mbështetur nga FNSH-ja në territorin e Llakatundit.
Sipas njoftimit të policisë, në një kontroll në fshatin Grabian të Vlorës, u gjetën 24 thasë të mbushur me lëndë narkotike me peshë totale 300 kg, e fshehur në një ullishte.
Gjithashtu, policia ka arrestuar në flagrancë shtetasin Agron Danaj, 52 vjeç për veprën penale ” Prodhim dhe shitja e narkotikëve” , parashikuar nga neni 283 i Kodit Penal.
