Kapet sërish drogë në Vlorë. Policia ka sekuestruar 211 kg e 700 gramë lëndë narkotike kanabis sativa, pas finalizimit të operacionit antidrogë të koduar “Fillim Vjeshte”.
Operacioni u zhvillua në lagjen “Uji i Ftohtë” në një banesë 2-katëshe, ku në një nga dhomat u gjet sasia e lëndës narkotike.
Policia ka arrestuar në flagrancë shtetasin Dilaver Pecaj, 41 vjeç, banues në Trevllazër, Vlorë si dhe ka shpallur në kërkim shtetasit F.P., 47 vjeç dhe A.M. 34 vjeç.
Njëkohësisht po vijojnë verifikimet dhe veprimet, me qëllim sekuestrimin e banesës për të cilën dyshohet se është përfituar nga aktiviteti kriminal në fushën e narkotikëve.
Materialet i kaluan Prokurorisë pranë Gjykatës së Shkallës së Parë Vlorë, për veprën penale të ”Prodhimit dhe shitjes së narkotikëve” parashikuar nga neni 283/2 i Kodit Penal.
