Serisë A pritet ti bashkohet një tjetër Hysaj. Pas Elseidit, lojtarit kyç të formacionit të Napolit si dhe të Kombëtares shqiptare, kushëriri i tij, Alesio Hysaj, është nën vëzhgim nga klubet e elitës së futbollit italian.
Por, ndërkohë që Alesio mund t’i bashkohet Napolit, Elseidi vazhdon të jetë shumë i kërkuar. Menaxheri i tij, Mario Xhufredi, konfirmon:
“Hysaj është një kampion i madh, aq sa mund të ketë hapësirën e tij të rëndësishme jo vetëm te Napoli, por edhe te Juventusi, Reali apo edhe PSG-ja. Elseidi është i destinuar për të bërë një karrierë prej kampioni.
Ai ka vendosur që të qëndrojë te Napoli prej projektit të Sarrit dhe beson se ky mund të jetë viti i tij i duhur për të fituar titullin kampion. Por, verën e ardhshme do të vlerësojnë situatën e të ardhmes së Elseidit”.
