Fundjava vjen si zakonisht me sfidat e kampionateve të Evropës, kur kësaj radhe bien në sy ndeshjet e Serisë A.
Sonte në mbrëmje do të luhet derbi midis Juventusit dhe Torinos. Ndërsa Napoli do të presë në fushën e tij Cagliarin.
Përveç kësaj të shtune, dita e nesërme sjell në orën 15:00, Lazion kundër Sampdorias. Lazio ka mundësinë reale për të arritur kualifikimin që i nevojitet për në Europa League.
Skuadra bardhekaltër pret Sampdorian në “Olimpico” për t’i dhënë vazhdimësi sezonit në një ndeshje vendimtare për rikthimin në Evropë.
Ekipi i Sione Inzaghit që vjen në këtë përballje pas suksesit në derbin e kryeqytetit tashmë është dorëzuar në betejën për vendin e tretë dhe alternativa e vetme mbetet faza e grupeve të Europa League që sigiurohet automatikisht nëpërmjet vendit të katërt. Në këtë mënyrë, në “Olimpico” do të luhet një 90 minutësh shumë i rëndësishëm ku Strakosha pritet të jetë sërish titullar në katërkëndëshin e Lazio. Në krahun tjetër, Sampdoria tashmë mendon për sezonin e ardhshëm dhe përballja e kësaj të diele mund të rezultojë e lehtë për bardhekaltërit që do të zbresin në fushë me foracion të plotë, transmeton Supersport.
Një tjetër sfidë interesante e kësaj të diele në Serie A është edhe ajo që do të luget në “Luiggi Ferraris” mes Genoas dhe Interit. Zikaltërit në krizë rezultatesh synojnë të mbajnë të gjalla shpresat europiane por përballë do të kenë një skuadër të uritur për pikë duke parë që hijet e zonës së ftohtë janë rikthyer për ligurët. Në këtë mënyrë, dueli paraqitet interesant dhe premton spektakël mes dy skuadrave që këtë sezon kanë reflektuar ulje ngritje të mëdha. Po në orën 15:00, Sassuolo pret Fiorentinën në “Stadiumin Mappei”.
