Vazhdon enigma për trajnerin që do të ulet në stolin e Napolit sezonin e ardhshëm. Janë bërë tashmë disa emra. Zvarritja dhe përshpejtimi i situatës janë gjithnjë stilin e presidentit napoletan Aurelio De Laurentis. Sipas asaj që është mësuar ekskluzivisht nga Calciomercato.it, kontaktet me Masimiliano Alegrin nuk kanë sjellë, deri më sot, një marrëveshje nga pikëpamja ekonomike që do të kënaqte trajnerin nga Livorno.
Përveç kësaj, ekziston një skenar tjetër që çon në një reflektim mbi teknikun e ri të mundshëm të Napolit. Në orët e fundit, gjithmonë duke ndjekur lajmet e gjurmuara nga redaksia e Calciomercato.it, zona teknike e Napolit bllokoi dhe interesin që ishte hedhur mbi Stanislav Lobotka. Kishte disa oferta për sllovakun nga Italia dhe Spanja, si në fomën e huazimit, ashtu edhe për blerjen e kartonit të lojtarit.
Refuzimi i interesimit për mesfushorin çon në një indicie të saktë të merkatos: në janar 2019, agjenti i Lobotka-s u thirr nga Interi për të kuptuar termat e një negocimi të mundshëm për e lojtarit. Marrëveshja nuk u arrit, por fakti i sigurt ishte prania e Lobotka-s në listën e preferencave të Luçiano Spaletit për Interin e tij. Një detaj që nuk mund të mbetet pa u vërejtur (duhet shtuar se Mauricio Sarri gjithashtu shprehu vlerësim për Lobotka-n në kohën e Çelsit) dhe që mund ta sjellë Luçiano Spaletin më afër stolit të Napolit.
