Real Madrid duket se është duke i humbur të gjithë yjet që kanë shkruar historinë e klubit. Pas largimit të Cristiano Ronaldos dhe zërave për largimin e Luka Modric, “Don Balon” ka lëshuar bombën ditën e sotme ku shkruan se dhe kapiteni është drejt largimit. Largimi i Sergio Ramos duket se është më shumë se një thashetheme merkatoje.
Sipas portalit spanjoll, në fakt, qendërmbrojtësi ka vendosur të transferohet te Manchester United, me Jose Mourinho-n që është në kërkim të një lideri në mbrojtje për të rritur cilësinë e ekipit.
“Djajtë e Kuq” thuhet se kanë bërë gati një ofertë 100 milionë euro për të bindur “Los Blancos” që të heqin dorë nga kapiteni i tyre legjendar.
Gjithmonë sipas “Don Balon”, Ramos i ka kërkuar informacione Cristiano Ronaldo-s sezonin e kaluar në lidhje me qytetin e Mançesterit dhe atmosferën në Angli, duke marrë përgjigje pozitive.
Florentino Perez, nga ana tjetër, do të ishte gati ta pranonte një ofertë 100 milionë euro, edhe pse spanjolli do të jetë 33 vjeç sezonin e ardhshëm.
