Mbrëmjen e së premtes pas mesnatës, është vandalizuar furra e një shqiptari në Serbi. Sulmi ka ndodhur në furrën “Banat-Çolaku”, pronari i së cilës, Lutfi Çollaku, është detyruar ta largojë familjen e tij në një vend të sigurt.
Raportohet se në kohën e sulmit, në furrë ishte pronari në brendësi të objektit, ku bashkë me të punësuarit po përgatisnin bukën për shitje. Autori i kësaj vepre, i cili është incizuar nga kamerat e sigurisë, ka thyer xhamin e derës së hyrjes.
Sipas fjalëve të punonjësve në furrë, policia ka ardhur në vendin e ngjarjes.
