Presidenti i zgjedhur i Serbisë, Aleksandar Vuçiç ka paraqitur sot dorëheqjen si kryeministër në Parlamentin serb.
Në fjalën e tij Vuçiç tha se “Dua të mbahet mend si Schroeder, dhe jo për të sunduar 10 vjet”
Vuçiç është pyetur nga gazetarët se kur do të tërhiqet nga drejtimi i Partisë Progresiste Serbe.
“Së shpejti do të them se kur do të jap dorëheqjen . Unë nuk jam njeri i partisë“, tha Vuçiç.
Në fjalën e tij Vuçiç thotë:
“Të nderuar Zotërinj, në përputhje me nenin 132, paragrafi 2 i Kushtetutës së Serbisë, unë paraqesë dorëheqjen time si kryeministër i Serbisë. Dorëheqje kjo për shkak të marrjes së pozitës sime si President i Republikës, pas zgjedhjeve në të cilat unë u zgjodha president i Serbisë, të mbajtura me 2 prill”.
Vuçiç, që në zgjedhjet e fundit presidenciale garoi dhe fitoi, do të lërë vendin e shefit të qeverisë për të zëvendësuar Tomislav Nikoliç në Presidencë.
