Serbi/ Foshnjet ngatërrohen në maternitet, gjithçka u zbulua nga testi i ADN-së

Në Serbi, një çift ka marrë nga materniteti foshnjën e gabuar. Media vendase, Alo ka treguar historinë sesi në qershor të vitit 2016 Bojana Jaksic lindi në maternitetin “Narodni Front” në Beograd.

Pas peripecive të ndryshme dhe analizave të ADN-së, çifti u largua nga materniteti me dyshimin se kishin marrë foshënjën e gabuar. Gjithçka nisi kur një bebe djalë, i lindur me sindromën Down, iu dërgua në dhomë e tyre.

“Gruaja ime kishte bërë të gjitha analizat dhe kishin dalë të shkëlqyera. Një infermiere bëri një foto me djalin tonë, dhe ia dërgoi foton “Viber”. Më vonë, kuptuam se ajo na dha një sinjal se diçka e çuditshme po ndodhte,”-tha bashkëshorti.

Shpejt filluan të ndodhin gjëra të çuditshme për çiftin. Numri i protokollit në dorën e Bojanës ishte 2849, ndërsa foshnja nuk ishte pajisur me një byzylyk të tillë. Pas dyshimeve të para, të dy nisën të kryenin analizat e ADN-së, të cilat rezultuan se çifti dhe foshnja nuk kishin asgjë të përbashkët.

Kështu ka nisur dhe beteja ligjore me spitalin dhe shpallja në kërkim e djalit të tyre të zhdukur, fati i të cilit ende nuk dihet.