Dhjetëra protestues janë mbledhur këtë të dielë për të protestuar kundër bukëpjekësit nga Prizreni, duke kërkuar që të largohet nga Serbia dhe të mbyllë biznesin e tij.
Të indinjuar me shqiponjën dykrenare që vëllai i pronarit publikoi në rrjetet sociale diku në qendër të qytetit ka nxitur reagime.
Organizatat dhe partitë politike kanë apeluar tek pushteti ta ndaloj këtë tubim, por kjo nuk ka ndodhur.
Millosh Simovic nga Këshilli Organizativ i Protestave: “Motoja jonë është që ne nuk urrejmë askënd. Këtu jetojnë shumë pakica e kombe, por kurrë nuk ka pasur problem deri më tani. Ne kemi të drejtë që të mos përdorim më produktet e tij dhe nuk do të blejmë aty. Ky është mesazhi që duam të japim”.
Ndërkohë, një qytetare është e vetmja që mbështet pronarin Mon Gjuraj, teksa shprehet se bukëpjekësi e ndihmon për sëmundjen e të bijës pasi trajtimi është i shtrenjtë dhe, kësisoj e ka mbështetur me organizimin e kontributeve.
“E njoh bukëpjekësin tonë Gjurën, dhe na ka ndihmuar shumë kur kemi pasur njerëz të sëmurë. Por dhe për nevojat e tona të përditshme, për gjëra që është dashur t’i bëjë shteti. Një gjë e tillë nuk duhet të ndodhte”, tha qytetarja.
Ndërsa shpallin të mbyllur tubimin e tyre, protestuesit thanë se nuk do të merren më me këtë çështje nëse nuk do të ketë provokime të reja
