Pas ankesave të mediave serbe, për posterat e këngëtares Rita Ora të cilat ishin shpërndarë kudo në vend, ditën e sotme ato janë larguar nga Beogradi.
“FITON INFORMER! Largohen billbordët e Rita Orës! Reklamat e këngëtares që mbështet kriminelët e UÇK-së”, është titulli i gazetës serbe “Informer”.
Në artikullin e publikuar shkruhet se vetëm një ditë pas ankesës së tyre, BMP hoqi të gjitha reklamat polemike në Beograd.
Gazeta Informer e cilëson këngëtaren si të preferuarën e Thaçit dhe Haradinajt. Sipas medias, Rita Ora e cila mbështet publikisht ‘kriminelët e UÇK-së’ dhe bën thirrje për ‘Shqipërinë e Madhe’, nuk do të shfaqet më në këto materiale promovuese.
Sipas Lajmi.net, të gjitha 27 billbordet nga qendra e Beogradit që paraqisnin orët dhe bizhuteritë e BPM me imazh kryesor Rita Orën, nuk mund të shihen më.