Gjashtë persona me rrezikshmëri të lartë janë shpallur në kërkim nga policia e Kosovës.
Shtetasit në fjalë akuzohen për vepra të ndryshme penale, që nga vrasjet e rënda e deri te grabitjet. Raportohet se mes të kërkuarve janë edhe 3 serbë: Dusan Dragoljub Jovanovic, Ratomir Radun Bozovic si dhe Branislav Rakica.
Zëdhënësi i Policisë së Kosovës, Daut Hoxha, deklaroi se emrat e personave që janë duke u kërkuar, janë në faqen e PK-së.
“Lidhur me kërkesën tuaj ju njoftoj se, ne si Polici e Kosovës i kemi te publikuar ne ëeb faqe disa nga personat ne kërkim, ndërsa për detaje rreth numrit te atyre qe janë ne kërkim me urdhër arrest për vepra te ndryshme mund ti adresoheni organeve te drejtësisë”, tha ai.
Mes personave të cilësuar si të rrezikshëm janë edhe Petri Salihu dhe Korab Zogjiani, ky i fundit dyshohet për vrasjen e Bekim Osmanit në vitin 2006.
Lidhur me këtë rast u arrestua xhaxhai i Korab Zogjianit, Shefki Zogjiani, pasi akuzohet për shtytje dhe ndihmë në vrasjen për hakmarrje, ndërsa nipi i tij, Korab Zogjiani, vazhdon të mbetet në arrati.
Në mesin e të kërkuarve është dhe nënkryetari i Listës Serbe, Milan Radojiçiç, i cili dyshohet të ketë gisht në vrasjen e politikanit serb Oliver Ivanoviç.
