Semi Jaupaj ka pohuar në “Big Brother Vip” , se nuk ekziston mundësia që të rilidhet me Bojkenin. Ish-çifti nisën një romancë në vitin 2011, vetëm pak muaj pas ndarjes së Lakos nga ish-bashkëshortja e tij, Olesia. Semi ka thënë se Bojkeni ishte “dashuria e saj e parë” dhe se me të është njohur kur ka qenë vetëm 17 vjeç. Artistja kishte plot 17 vite diferencë nga Lako, pasi në atë kohë, ai ishte 34 vjeç.
Mbrëmjen e djeshme, ajo bëri një tjetër deklaratë për ish-partnerin e saj. Gjatë bisedës me Monika Lubonjën, këngëtarja tha se pyetja më e shpeshtë që i bëhet nga njerëzit është: “A do të rikthehesh ndonjëherë me Bojken Lakon?”.
Pjesë nga biseda:
Semi Jaupaj: Kur më pyesin ‘a ka ndonjë shans që të pajtohesh prapë me Bojkenin?’. I thoja ‘jo’, se nga vetë koha që kam kaluar, janë shumë vite. Nuk është se ndenja 1 vit dhe pastaj të thoja ‘Prit se nuk i dihet’… Unë kam ndenjur 8 vite me atë.
Monika Lubonja: A kishit dëshirë që të bënit ndonjë fëmijë?
Semi Jaupaj: Jo, gjëja që më ka pëlqyer më shumë te Bojkeni është që ka dashur të më lërë shumë të lirë dhe ngaqë e ka ditur se kam dashur që të merrem me muzikën, dhe të kisha gjëra të tjera primare…Ngaqë e ka ditur këtë gjë, s’ma ka bërë kurrë këtë kërkesë.
