Partia Popullore e Austrisë (ÖVP) e ish-kancelarit Sebastian Kurz ka fituar zgjedhjet parlamentare në Austri. Ish-partneri në koalicion FPÖ ka shënuar rënie serioze. Partia ÖVP ka nevojë për një partner të ri në koalicionin qeverisës.
Sebastian Kurz deri tani nuk ka bërë të ditur se në cilin krah politik do të kërkojë partnerin e ri, në krahun e djathtë apo të majtë politik. Ai ka deklaruar se do të bisedojë me të gjitha partitë. Vëzhguesit thonë se negociatat për koalicionin e ri mund të zgjasin me muaj.
Zgjedhjet e parakohshme parlamentare kanë qenë të domosdoshme për shkak të “aferës Ibica”, të ish-liderit të FPÖ Heinz-Christian Strache.
