Sot presidenti i Ukrainës, Volodymyr Zelensky, i është drejtuar Kuvendit të Shqipërisë përmes një video-mesazhi. Kuvendi është “veshur” me ngjyrat e flamurit të Ukrainës. Gjatë fjalës së tij, presidenti i Ukrainës iu kujtoi shqiptarëve mirësinë dhe kontributin e Nënë Terezës, ndërsa i bëri thirrje qeverisë shqiptare të që mbyllë portet për anijet ruse apo dhe turistët.
“Jeni padyshim në anë të së vërtetës. Faleminderit për hapat konkrete për Ukrainë, kundër Rusisë, për kujdesin që ju i bëni fëmijëve tanë dhe njerëzve tanë.
Qëndrimi juaj ndaj popullit të Ukrainës, ndaj fëmijëve të Ukrainës, na kujton Nënë Terezën shqiptare, që është kthyer simbol i humanizmit në mbarë botën. Besoj se së bashku, në mjediset evropianë, në përpjekjet tona, do jemi në gjendje të parandalojmë këtë luftë.
Dhe të mbrojmë Europën në të ardhmen nga një luftë. Bandat ruse duhet të shkëputen nga tregu global. Ju duhet të hiqni mundësisë Rusisë në kohën e duhur. Ju kërkoj që të kufizoni portat për anijet ruse dhe të kufizoni ardhjen e turistëve, ndoshta vijnë vrasës të Bucha-s, apo të Irpin.
Ta bëjmë një gjë parimore dhe të ndalojmë përdorimin e fondeve të OKB për Rusinë”, tha ai.
Presidenti ukrainas e ka mbyllur me një falenderim fjalimin e tij, në videomesazhin drejtuar Kuvendit shqiptar. Ai tha se ka raste kur shtete shumë të vegjël në hartë, kanë një perzemërsi shumë të madhe.
“Që nga viti 2014, Rusia pushtoi gadishullin e Krimesë, OKB ka blerë mallra dhe shërbime prej saj. Kjo është e padrejtë. Nuk duhet të ndodhë. Ne nuk devijuam nga rruga. Jemi të përkushtuar për zhvillimin e një Europe të bashkuar.
Kur të vendoset për bashkimin e Ukrainës, vota juaj do të jetë për ne. Dikush është i vogël në hartë, por ka një zemër dhe përzemërsi më të madhe. Faleminderit Shqipëri. Ju falenderoj për mbështetjen tuaj. Lavdi Ukrainës”, tha ai.
Në fund të fjalimit, deputetët u ngritën në këmbë duke duartrokitur.
Gjatë një bashkëbisedimi me “Zoom” që Kuvendi pati me presidentin ukrainas, Volodymyr Zelensky, kryeministri Rama u shpreh se rasti i agresionit rus në Ukrainë, është ndër rastet e rralla që ka bërë bashkë politikën shqiptare.
“Shkëlqesia juaj, presidenti i Ukrainës, sot ky Parlament nuk shquhet për shpirtin e dakordësisë mes palëve, janë shumë të rralla rastet që ky Parlament ka qenë dakord. Por agresioni rus është një nga ato raste kur ne kemi qenë dakord pa bërë asnjë diskutim. Të gjithë deputetët, i gjithë kombi shqiptar është rreshtuar krah jush që në orët e para të nisjes së luftës. Mundësit tona për t’ju ndihmuar janë krej modeste, por Shqipëria mund të jetë e vlefshme me zërin e saj. Qoftë në tryezën e NATO-s, qoftë në tryezën e kombeve të Bashkuara.
Në 5 maj, Shqipëria do të jetë në tryezën e përbashkët të donatorëve që do të mbahet në Poloni dhe do të japë kontributin e saj”, tha Rama.
