Inspektori i Përgjithshëm, Shkëlqim Hajdari, ka folur rreth sistemit “E-inspektimi” dhe trajnimi i trupave inspektuese në emisionin ’45 minuta’ në Report TV. Teksa ka diskutuar rreth kësaj teme, ai tha se sistemi në fjalë do të ulë me 60% të rasteve të shkeljeve dhe të korrupsionit.
Shkëlqim Hajdari nënvizoi se ‘E-inspektimi’ do të kryhet i gjithi online, dhe inspektimet që do të bëjnë inspektorët në terren do të kontrollohen të gjithë në kohë reale. Sipas tij, teknologji është praktika më e mirë dhe më efikase. Ai bëri me dije se shumë shpejt të gjithë grupet e inspektimit do të pajisen me tableta.
Madje Hajdari u kthye pas në kohë, duke thënë se dikur inspektimet bëheshin me blloqe dore, pa numër serial, e ndërsa tashmë rrjedha e historisë ka ndryshuar. Për të, ky është një kapitull i mbyllur.
“Do të kemi një konferencë ku do të marrin pjesë Bosnje Hercegovina, Mali i Zi, Maqedonia, Serbia. Do të ketë profesorë në fushën e entit rregullator. Do të ketë të ftuar nga Britania. Konferenca do të bëhet për tu aplikuar në 5 vende të Ballkanit Perëndimor.
Do të shikohen se si janë rekrutuar inspektorët në këto vende, dhe do të gjejmë një praktikë që për inspektimet të bëhen 5 sisteme dixhitale dhe të bëhet kalimi pa pengesa. Nëse një kamion ka kaluar pa probleme në një doganë, të kalojë pa pengesa edhe tek të tjerat. Në fund të konferencës kemi rënë dakord. Dikur inspektimet bëheshin me blloqe dore, pa numër serial. Kjo histori ka mbaruar. Të gjithë bizneset në Shqipëri do të kontrollohen me thjeshtë. Inspektorët do të shihen se ku janë dhe se ç’po bëjnë. Do të ulet korrupsioni në masën 60%. Bizneset njoftojnë për inspektorë që veprojnë pa autorizim dhe problematikë”, ka përfunduar fjalën Hajdari.
