Neurokirurgu Erich Riederer është shprehur së fundmi se legjenda e “Formula 1”, Michael Schumacher ka kaluar në gjendje “vegjetative”.
Mjeku tha për një televizion francez se gjendja e sportistit të njohur është përkeqësuar dhe se ai nuk reagon më as ndaj familjes së tij.
“Mendoj se ai është në gjendje vegjetative, që do të thotë se është zgjuar por nuk mund të reagojë. Ai merr frymë, zemra i rreh, dhe ndoshta mund të ngrihet për të qëndruar ulur po jo më shumë. Mendoj se kjo është maksimumi për të. Nuk besoj se ka shanse për ta parë atë siç ishte para aksidentit”, tha ai për rrjetin TMC.
