Kryetari i Partisë Demokratike, Sali Berisha, ka akuzuar kryeministrin Edi Rama se kontrata e re për satelitët dëshmon se ai është i kapur dhe i ka investimet e veta. Berisha e cilësoi si një akt të papërgjegjshëm, ku sipas tij, Edi Rama kërkon të mbulojë vjedhjet që bën. Në vazhdën e akuzave, Berisha u shpreh se vetëm një kryeministër i kapur dhe që është investitor në këto ndërtime pa leje, i lejon vetes të shkelmojë Kodin Penal.
“Ju e dëgjuat kontratën për satelitët. Ai u tha shqiptarëve se satelitët më duhen se nuk kanë kushërinj, halla apo teze, që të fshehin kullat. Sipas tij, nga qielli, 14 kate pa leje të njërës prej tyre, duken më mirë se nga distanca apo nga rruga, qindra metra larg. Ky është një akt i papërgjegjshëm, me të cilin Edi Rama kërkon të mbulojë vjedhjet që bën.
Them këtu se njeriu që ka burgosur në emër të shtetit, gjoja, 3415 qytetarë, dhe ka dhënë për ndjekje penale mijëra e mijëra të tjerë, për gjëra që të marra së bashku, nuk bëjnë ilegalitet sa njëra prej kullave që ka 14 kate ilegale, dëshmon se është fund e krye, i kapur dhe se i ka investimet e veta.
Sipas tij nga qielli 14 katet pa leje duken më mirë se sa nga rruga. Ky është një akt i papërgjegjshëm me të cilin Edi Rama do të mbulojë vjedhjet që bën.
Vetëm një kryeministër i kapur dhe që është investitor në këto ndërtime pa leje, i lejon vetes të shkelmojë Kodin Penal, të kërkosh ta mbyllësh këtë vjedhje monstruoze, mashtrim duke vjedhur përsëri me 6 mln dollarë se të pengokan hallat tezet e kushërinjtë për ti parë ndërtimet pa leje, t’i tregon se ke pak me thënë urrejtje, por një përcmim ekstrem për qytetarët. Ndaj jam këtu për ta dënuar qëndrimin e tij dhe do jetë një cështje në vazhdim, qoftë dhe kontratat e tij për të kënaqur xhepin për instalacion dhe satelitë, në një kohë kur njerëzit për shkak të cmimeve të larta po vuajnë sot më shumë se kurrë nga skamja e mjerimi”.
