Policia e Sarandës ka arrestuar një agjent doganor, pasi është përfshirë në një konflikt dhe ka goditur kolegun e tij.
Burime zyrtare bëjnë me dije se në pranga ka rënë 34-vjeçari me inicialet I. I., ndërsa ngjarja dyshohet për motive të dobëta.
Ky shtetas është përfshirë në një konflikt në 17 qershor 2020, në lagjen nr.4 Sarandë. Në Portin e Sarandës, dyshohet se ka goditur fizikisht një punonjës tjetër doganier, për motive të dobëta.
Njoftimi i policisë:
Policia ka bërë ndalimin e shtetasit në kërkim I. I., 34 vjeç, banues në Sarandë, me profesion agjent doganier.
Ndalimi i tij u bë pasi ky shtetas është përfshirë në një konflikt në datën 17.06.2020, në lagjen nr.4 Sarandë, ku në Portin e Sarandës dyshohet se ka goditur fizikisht një punonjës tjetër doganier, për motive të dobëta.
Materialet iu referuan Prokurorisë në ngarkim të tij për veprat penale “Goditje për shkak të detyrës” dhe “Dëmtime të tjera me dashje”.
