Një kambist ka rënë pre e grabitjes mbrëmjen e sotme, në Lagjen nr. 4 Kodër të qytetit të Sarandës.
Sipas informacioneve paraprake, mësohet se dy 2 persona të maskuar i kanë zënë pritë kambistit në hyrjen e pallatit.
Sapo ai ka tentuar të hyjë në ashensor, e kanë goditur duke i rrëmbyer edhe një shumë parash prej 500 mijë lekë të reja.
Policia ndodhet në vendngjarje për të mbledhur provat, duke bërë edhe sekuestrimin e pamjeve të kamerave të sigurisë në zonën përreth.
