Një 18-vjeçare shqiptare është zhdukur në Itali, e ndërsa prindërit apelojnë për ndihmë. Familjarët kanë rrëfyer se e reja kishte disa muaj që ishte njohur me një djalë, po nga Shqipëria.
Lila Mile është larguar pa gjurmë nga banesa e saj, më datë 10 tetor. Ajo është parë për herë të fundit afër stacionit Fasano. Vëllai i saj Giorgio, i cili mundi të hyjë në adresën e Snapchatit të Lila Miles, ka zbuluar se prej dy apo tre muajsh kishte njohur një djalë shqiptar. Megjithatë familjarët kanë mohuar se vajza e tyre mund të jetë larguar drejtë Shqipërisë me djalin që kishte njohur. Ndër të tjera, vëllai i saj ka mohuar për mediat italiane që të kishte pasur probleme në shtëpi.
Ai u shpreh se ditën e ngjarjes, motra e tij kishte thënë se nuk ndihej mirë, dhe se do të shkonte në spital të bënte një kontroll. Dëshmitarët që e kanë parë të renë, kanë thënë se ajo ka hipur në një makinë Peugeot 107 gri, por më pas nuk ka pasur asnjë të dhënë. Ditën e fundit kur u zhduk nga familja, 18-vjeçarja kishte veshur pantallona të bardha të shkurtra, një këmishë të kuqe dhe këpucë të zeza. Vajza ka flokë të gjatë kafe të hapur, sy të errët dhe është e gjatë rreth 1.50 cm.
