Një automjet tip “BMW” është shkrumbuar gjatë natës në qendër të qytetit të Fushë-Krujës, pranë qendrës shëndetësore.
Kanë qenë banorët e zonës ata të cilët, rreth orës 01:30 të mëngjesit, kanë vënë re flakët në automjet dhe kanë njoftuar policinë dhe zjarrfikësen, të cilat kanë shkuar menjëherë në vendngjarje.
Mësohet se makina i përket një emigranti, i cili ishte kthyer gjatë ditëve të fundit në Shqipëri.
Grupi hetimor po punon për zbardhjen e plotë të ngjarjes, ndërsa nuk bëhet ende i ditur identiteti i pronarit të automjetit.
