Rënia e kurbës nga koronavirusi në Spanjë, ka bërë që qeveria të planifikojë lehtësimin e masave për vendin.
Lajmin e ka bërë të ditur kryeministri, Pedro Sanchez, i cili tha se qeveria po mendon që pas gjysmës së parë të muajit maj, të nisë lehtësimin e masave të izolimit.
Gjatë një seance parlamentare, Sanchez sqaroi se këto kufizime do të lehtësohen në mënyrë të ngadaltë dhe gradualisht.
Sipas mediave spanjolle, Sanchez pritet të zgjasë gjendjen e jashtëzakonshme deri më datë 9 maj. Kujtojmë se vendi është izoluar që prej datës 14 mars.
Spanja renditet e dyta në botë për numrin më të madhe të rasteve me koronavirus, dhe e treta për numrin më të madh të viktimave, pas SHBA-ve dhe Italisë.
Që nga shpërthim i COVID-19, në Spanjë janë shënuar mbi 208 mijë raste dhe 21,717 viktima.
