Kryeministri Edi Rama komenton takimin e tij me liderët e Ballkanit Perëndimor dhe shteteve kryesore të BE-së.
Në një deklaratë për mediat, Rama u shpreh se e vetmja rrugë për shtetet e Ballkanit Perëndimor është bashkëpunimi rajonal.
Ai tha se ky është një samit për të bërë një bilanc të ecurisë së punëve për rajonin tonë. Sa i përket negociatave për vendin tonë, Rama u shpreh se vendet e Ballkanit Perëndimor kanë vetëm një rrugë, atë të bashkëpunimit rajonal.
Deklarata e plotë:
Është samit për të bërë një bilanc të ecurisë së punëve në terësi në rajonin tonë.Kemi pasur diskutime intensive, interesante, të hapura dhe është me shumë rëndësi që procesi i Berlinit është një proces që konsolidohet vit pas viti, pa diskutim dhe arritjet nuk janë pak.Çfarë është planifikuar për të nesërmen është më e sigurt seç ka qenë më parë. Ne kemi vetëm një rrugë, rrugën e forcimit të bashkëpunimit rajonal. Në këtë aspekt, Bashkimi Europian, në radhë të parë Gjermania por edhe Franca së fundmi me riangazhimin në rajon dhe agjencinë franceze të zhvillimit të përfshirë për herë të parë historikisht në rajon, janë në mbështetje.
