Ka nisur punimet samiti i radhës i “Ballkanit të Hapur” që mbahet në Beograd të Serbisë. Punimet janë hapur me fjalimin e presidentit serb Aleksandër Vuçiç, i cili ka përmendur disa prej marrëveshjeve që do të firmosen sot mes tre liderëve; kryeministrit Edi Rama, kryeministrit të Maqedonisë së Veriut Dimitar Kovaçevski dhe presidentit të Serbisë Vuçiç. Në fokus të bisedimeve do të jetë tregtia. Ky takim pritet të finalizohet me heqjen e kufizimeve për tregtinë. Marrëveshja zhbllokon plotësisht tregtinë mes shteteve të “Open Balkan”. Nga Beogradi, kryeministri Edi Rama foli për rëndësinë e “Ballkanit të Hapur”, i cili bëri të mundur mbrojtjen, forcimin e marrëdhënieve. Rama bëri me dije se kjo nismë, është një marrëdhënie solide e cila çliroi kontratat e Shqipërisë dhe Maqedonisë së Veriut.
“Dua ta them këtu me kënaqësi se dhe zgjidhja me karta e ID është zgjidhja e “Ballkanit të Hapur”. Sot nuk jemi këtu për të celebruar verërat dhe ushqimet e rajonit. Jemi në samitin e dytë që zhvillohet në kontekstin e luftës në Ukrainë. Jemi këtu për të marrë disa hapa që, nisen edhe nga ky kontekst. Dhe para se ti numëroj do them një fakt sepse ka ndodhur në dy samite. Konteksti nga lufta, vendet u përballen me furnizimin e grurit e drithërave dhe pjesë e kësaj situate ishte dhe Shqipëria. Sepse, importuesit tanë të drithërave kishin kontrata me prodhuesit serb në një kontekst ku Serbia si të tjerët bllokoi çdo eskport. Ishte “Ballkani i Hapur”, kjo lidhje solide që i çliroi kontratat e Shqipërisë dhe Maqedonisë së Veriut,. Buka s’është gjë simbolike, është bukë, është për popullin. Do e bënim dot nëse do ishim në rrugën e konflikti permanent? S’do ishte mundur. Do ishte mundur që ne të nënshkruanim një marrëveshje mes vendeve tona, për të ecur më tutje me krijimin e rezervave ushqimore, magazinimin, duke vazhduar forcat për të vënë në dispozicion forcat që kemi? Hapi tjetër për sigurinë energjetike, sepse në samitin e kaluar kemi ndërtuar një masë për energjinë në këtë krizë që është që ne të mund sërish të bashkojmë forcat. Çfarë e ka Serbia etj ta kenë të gjithë. Si kush do e imagjinonte që sot për ti ardhur në ndihmë vetes, ne mund të parashikojmë marrëveshje që janë mundësi të shfrytëzojmë potenciale që kemi dhe të marrim më shumë energji. Kështu do të vazhdojmë me investimet, kemi rënë dakord për një sinergji, eksperiencën shumë të respektueshme që ka Maqedonia e Veriut. Në funksion të ofrimit të hapësirës të “Ballkanit të Hapur”, së fundmi, kush do ta imagjinonte që ne do të kishim kapacitete operacionale të sigurta për vendin. Dua ta mbyll që faktet e shifrat flasin vetë, mjafton të shihni se ç’ka ndodhur në 7 muajit e fundit, çka ndodhur mes të tria vendeve. Mjafton të shohim fluksin sesa shumë kohë e vite kemi humbur dhe çfarë potenciali të madh ka.
Nuk ka nevojë të shpjegojmë as për të shpjeguar si gjysmë të zënë në faj se çpo bëjmë. Kush ka pasion dhe dëshirë, nisma flet vetë. E konsiderojmë nismën edhe për të tjerë miq, askush nuk duhet të bëhet xheloz për ne. I ftojmë të gjithë pa problem. Rëndësi ka që ambasadorin amerikan e kemi këtu, kështu që jemi të mbrojtur nga çdo keqkuptim”, tha Rama.