Ditën e sotme kryetari i Partisë Demokratike Lulzim Basha mori pjesë në Samitin e Liderëve të Bashkimit Europian dhe Ballkanit Perëndimor të Partisë Popullore Europiane (PPE), në kuadër të Samitit të Zagrebit.
Në Samit, mësohet se Basha ka rrëfyer problematikat e Shqipërisë.
Kryetari i PD ka kërkuar mbështetjen e Bashkimit Europian, pasi sipas tij, kriza ekonomike që ka përfshirë vendin është thelluar me numrin e lartë të vendeve të punës të humbura gjatë këtyre 2 muajve.
Krydemokrati ka folur dhe në lidhje me procesin e negociatave, ndërsa shtoi se plotësimi dhe zbatimi i kushteve është rruga drejt hapjes së negociatave dhe zgjidhjes së krizës së thellë politike në vend.
