Për shkak të situatës aktuale, kancelarja gjermane ka refuzuar ftesën e Donald Trump për ‘Samitin e G7’. Angela Merkel nuk do të jetë e pranishme në ‘Samitin e G7’ të liderëve botërorë, që do të mbahet në qershor.
“Duke marrë në konsideratë situatën aktuale, kancelarja nuk mund të udhëtojë drejt Uashingtonit për të marrë pjesë personalisht në Samit. Kancelarja falenderon presidentin Trump për ftesën që i ka drejtuar”, njofton zëdhënësi i saj, Steffen Seibert.
Filimisht u pretendua se Samiti do mbahej online, për shkak të situatës nga pandemia. Nga ana tjetër, presidenti amerikan Donald Trump, tha javën e kaluar se ai do ta organizonte personalisht Samitin, në Shtëpinë e Bardhë.
Trump tha se do të donte që liderët e botës të mblidheshin atje personalisht, për ti dhënë njerëzve një sinjal shprese se gjërat po ktheheshin në normalitet.
