Ngritja e avionëve luftarakë të Serbisë mbi territorin e Luginës së Preshevës ka prodhuar debate të shumta, ndërsa ish-kryeministri Berisha ka dënuar fort këtë akt.
Përmes një statusi në llogarinë e tij në “Facebook”, Berisha ngritjen e tyre e quan një terror hakmarrës e primitiv të Beogradit, si kundërpërgjigje për arrestimin e Marko Gjuriçit.
“Terror hakmarrës primitiv i Beogradit ndaj shqiptareve te Preshevës për arrestimin e provokatorit Gjuriç!Te dashur miq, në një përpjekje te hapur konflikti Presidenti i Serbisë, pas provokacionit te ulet, dërgimit ilegal ne Mitrovice te ultranacionalistit Gjuriç dhe arrestimit te ligjshëm te këtij vagabondi politik nga policia e Kosovës, shpalosi sot skenarin e konfliktit ne Presheve”-shkruan Berisha.
“Ne nje akt terrorizimi te popullatës civile shqiptare te Luginës se Preshevës, ai zhvilloi stervitje ajrore me fluturime te ulta te avioneve ushtarake, duke shkelur ne mënyre flagrante marrëveshjen e NATOs me Beogradin për Luginën e Preshevës.Duke dënuar me ashpërsinë me te madhe ketë akt terrori te vërtet te Beogradit ndaj shqiptareve te Luginës se Preshevës, me synime te qarta destabilizuese, u bej thirrje shqiptareve te Preshevës te qëndrojnë te palëkundur ne votrat e tyre pavarësisht nga provokacionet e turpshme te Beogradit, qe pashmangshëm do te kenë fatin e te gjitha akteve te tyre te vërteta, ultranavionaliste te mëparshme!”-shton Berisha.
Shikoni videon e aktit banditesk te terrorit serb. sb
