Ditët e fundit u raportua se Mohamed Salah ishte shumë pranë një kalimi tek gjigantët e Barcelonës. Ditën e sotme e përditshmja “AS” shkoi më tej duke shkruar se këtë lëvizje e kishte inskenuar agjenti i lojtarit, i cili kishte ofruar klientin e tij egjiptian për të nënshkruar më Barcelonën.
Por i menjëhershëm ka qenë edhe reagimi i agjentit të futbollistit të Liverpool, i cili publikisht ka hedhur poshtë spekulimet dhe ka kritikuar gazetën AS për raportime të pavërteta.
“Kjo asnjëherë nuk ka ndodhur. AS, ju duhen burime më të mira.” – ka shkruar në Twitter, Ramy Abbas Issa.
