Deputeti Saimir Korreshi ka shprehur qëndrimin e tij në lidhje me ndryshimin mes PD-së dhe PS-së. Ai ka thënë shkurt dhe qartë se të PD-së janë më rebelë dhe se nuk vihen kollaj në rresht! Përkundrejt të PS-së, që sipas tij “hanë dajak”.
“Ne jemi rebelë, ata hanë dajak”. Kështu është përgjigjur deputeti Saimir Korreshi, në studion e emisionit “Stay Tuned” në “MCN TV”.
Duke qëndruar në të njëjtën linjë, ai ka shtuar më tej se dallimet më të thella mes deputetëve demokratë dhe socialistë kanë lidhje me organizimin e brendshëm të dy partive.
“Ne jemi shumë më të pabindur, nuk vihemi kollaj në rresht. Për nga natyra jemi rebelë, kurse në PS ditën e votimit në rresht për një në orën 7:00, të kollarisur.
Janë një ushtri elektorale. PD nuk e bën këtë, ne kemi njerëz të besuar që rrinë në qendrën e votimit, por patronazhistë nuk kemi.
Nga ana karakteriale ndryshojmë shumë, ata vihen në rresht dhe hanë dajak”, është shprehur ai.
