Një histori e tmerrshme vjen nga Anglia, ku autor është një futbollist. Lajmi i publikuar nga Mirror, për dënimin me 15 vjet heqje lirie për rrëmbim dhe tortura për Jermaine “Jamie” Clarke. Sulmuesi i datëlindjes ’88 është produkt i akademisë së Blackburn Rovers, me të cilët u aktivizua deri në vitin 2009. Më pas zbriti në League Two angleze, me fanellën e Rotherham United e Lincoln në 2010.
Kështu, hyrja në një rrugë të gabuar e pa fund është mbyllur me dënimin me burg për tortura, të përkufizuara “sadiste e turpëruese”, ndaj Michael Dewar. Ngjarjet kanë ndodhur janarin e kaluar. Sipas asaj që është bërë e ditur në Gjykatën e Leeds, Dewar është mbyllur në një makinë nga Clarke e një rrëmbyes tjetër, Sakhawat Hussain. Edhe ai i dënuar me 15 vjet burgim. Më pas i rrëmbyeri u çua në një apartament në Dewsbury: ku është zhveshur dhe i është nënshtruar torturave, që i kanë shkaktuar fraktura të ndryshme, ndërsa është detyruar të kërcejë me këngët e Whitney Houston për të “zbavitur rrëmbyesit e tij”.
Procesi zgjati pesë javë. Sipas gjykatësit Robin Mairs ngjarjet kanë lënë “shenjë të përhershme” mbi viktimën: “Clarke e Hussain kanë përdorur dhunë, kërcënim e presion mbi viktimën për ti kontrolluar lëvizjet e për ta bërë të bindet.”
“Më bënë të përkulem si të isha fëmijë që i duhet ndërruar pampers dhe më hodhën ujë të valuar në organet gjenitale” është rrëfimi dramatik i Dewar, që ka shtuar se ka shpëtuar vetëm sepse njërin nga rrëmbyesit e kishte zënë gjumi.
