Përfundon pjesa e parë e supersfidës midis Italisë dhe Spanjës në ”Wembley Stadium”, ndeshje e vlefshme për gjysmëfinalet e ”Euro 2020”.
45 minutat e para ishin mjaft të bukura dhe me ritëm, por asnjëra nga skuadrat nuk mundi të shënojë.
Spanjollët ishin zotër të topit dhe e mbyllën Italinë në gjysmëfushën e tyre, teksa rastin më të pastër e pati Dani Olmo, i cili pranë zonës goditi topin, por u ndal nga portieri Donaruma.
Pak para mbylljes së pjesës së parë, Italia rrezikoi seriozisht portën e Unai Simon, por gjuajtja e Emerson u ndal nga traversa dhe shkon jashtë kuadratit.
