Ministri i Shtetit për Çështjet Vendore njëherazi dhe ministri fuqiplotë për gjendjen e jashtëzakonshme pas tërmetit Bledi Çuçi, në konferencën për raportin e tërmetit të 26 nëntorit dhe dëmeve të shkaktuara, deklaroi se dëmi i vlerësuar shkon në rreth 1 miliard euro.
“26 nëntori i vitit 2019-të do të mbahet mend si një ditë e rëndë për ne shqiptarët. Një tërmet shkatërrimtar me magnitudë 6.3 ballë shkaktoi 51 viktima, plagosi 900 të tjerë, si dhe zhvendosi nga banesat e dëmtuara rreth 17 mijë njerëz”, deklaroi ai.
Çuçi po ashtu tha se në total prej kësaj katastrofe natyrore u prekën 202 291 persona në 11 njësi të qeverisjes vendore.
