Rusia shpëton 32 fëmijë të moshës 1 deri në 3 vjeç nga kampet e ISIS në Irak.
Fëmijët u shpëtuan nga në një kamp ku mbaheshin familjarë të luftëtarëve të ISIS. Mësohet se fëmijët kanë mbërritur në Moskë në orët e vona të ditës së hënë me nje avion të Ministrisë së Jashtme.
Me të arritur në Moskë fëmijët janë dërguar menjëherë në spital për t’iu nënshtruar kontrolleve mjekësore. Autoritetet nuk kanë sqaruar se kush do të kujdeset për këta fëmijë, pasi nënat e tyre janë në Irak në pritje të gjykimit.
Kujtojmë se që nga dhjetori i vitit të kaluar, Rusia ka tërhequr nga Iraku 122 të mitur, të moshës 1 deri në 15 vjeç.
Luftëtarët nga Rusia përbënin një prej grupeve më të mëdha brenda ISIS. Pjesa dërrmuese e tyre vinin nga rajonet në Kaukaz ku popullsia është me shumicë myslimane, si Çeçenia apo Dagestani.
“Pas rikthimit nga Siria, Alvini bëri çmos të mos ia tregonte babait plagët”
