Vendimi i SHBA-së për të dërguar më shumë ndihma ushtarake në Ukrainë, “rrit rrezikun e një përplasje të drejtpërdrejtë ushtarake” midis Rusisë dhe Perëndimit, ka paralajmëruar ambasadori rus në Uashington.
Anatoli Antonov tha se lëvizja e administratës Biden, për të dërguar 625 milionë dollarë të tjera ndihmë ushtarake në Ukrainë, krijoi një “kërcënim të menjëhershëm” për Moskën, duke e përshkruar SHBA-në si “pjesëmarrës në konflikt”.
“Ne i bëjmë thirrje Uashingtonit të ndalojë veprimet e tij provokuese, që mund të çojnë në pasojat më të rënda”, tha ambasadori rus.
Pasi pësoi një varg humbjesh të mëdha në fushën e betejës në Ukrainë në javët e fundit, Rusia është zotuar të mbrohet me të gjitha mjetet e disponueshme, duke mos përjashtuar përdorimin e armëve të saj bërthamore.
Burimi i lajmit: BBC. Përshtatur nga Tirana Today
