Rusia ka paralajmëruar Shtetet e Bashkuara kundër publikimit të bisedave private midis Vladimir Putin dhe Donald Trump ndërkohë që Shtëpia e Bardhë mund të ketë kufizuar aksesin në bisedat e Presidentit me udhëheqës të botës, raportoi britanikja The Telegraph.
Komenti u bë pas vendimit të Shtëpisë së Bardhë për të publikuar transkriptin e një bisede të zotit Trump me presidentin ukrainas Volodymyr Zelensky, pasi Demokratët në Shtetet e Bashkuara njoftuan fillimin e një hetimi zyrtar për të parë nëse Presidenti amerikan i kishte bërë presion homologut të tij për të ndërhyrë në zgjedhjet e 2020-tës.
“Ne do të donim të shpresonim që nuk do të vijë në këtë (pikë) në marrëdhëniet tona, të cilat janë tashmë të shqetësuara nga shumë probleme,”, tha zëdhënësi i Kremlinit Dmitry Peskov. “Materialet lidhur me bisedat midis krerëve të shteteve janë zakonisht të klasifikuara sipas praktikës normale ndërkombëtare,” shtoi ai. /TIRANA TODAY
